देश आज अभूतपूर्व संकटको घेरामा छ। परिवर्तनका लागि सडकमा उत्रिएका जेन–जि पुस्ताका सयौं सपनाहरू रगतमा रन्थाम भए। धेरै युवाले जीवन आहुति दिए, हजारौं अस्पतालमा छटपटाइरहेका छन्। न्याय, समानता र भविष्यको खोजीमा निस्किएका उनीहरूको आवाजले मुलुकलाई नयाँ दिशातर्फ धकेल्दैछ।
यसबीच देशका संरचना भत्किए, सयौं कार्यालय र गाडी खरानी बने। खर्बौं मूल्य बराबरको सम्पत्ति नष्ट भयो, प्रहरी चौकी जले, जेलका ढोका भत्किएर अपराधी भागे। देश को अदालत जलाइयो , अपराधीहरु को प्रमाण जले , प्रधानमन्त्रीले राजीनामा दिए तर देश अझै अन्यौलतामा छ। तीन दिन भयो, निद्रा हराएको छ। आँखा बन्द गर्न खोज्दा पनि आगोले ढाकिएका सडक, धुवाँको मुस्लो, चिच्याइरहेका आवाज र बलिदान गर्ने युवाहरूको अनुहार मनभरि घुम्छ।
