एजेन्सी – आयोजक कतार एएफसी एसियन कपको फाइनलमा पुगेको छ । इरानलाई बुधबार ३–२ ले हराउँदै कतार अन्तिम दुईमा पुगेको हो । उपाधि रक्षाका लागि कतारले अब फाइनलमा जोर्डनको सामना गर्नेछ ।
अलमोएज अलिले ८२ औं मिनेटमा गरेको गोल खेलको निर्णायक बनेको थियो । चौथो मिनेटमै सरदार अजमोनको गोलबाट इरानले अग्रता लिएको थियो । १७ औं मिनेटमा जेसिम गाबेर अब्दुलसालमले बराबरी गोल गोल गरेका थिए ।
अक्रम अफिफ ४३ औं मिनेटमा गोल गर्दै पहिलो हाफमै कतारलाई २–१ ले अगाडि बढेको थियो । अलिरेजा जाहानबाक्सले पेनाल्टीमा ५१ औं मिनेट बराबरी गोल गरे ।
१३ मिनेट थपिएको इन्ज्युरी समयको तेस्रो मिनेटमा इरान १० खेलाडीमा सिमित भएको थियो । सोजे खालिजाडेह रातो कार्ड पाउँदै मैदान छाड्नुपरेको थियो ।
The post आयोजक कतार एसियन कपको फाइनलमा first appeared on हाम्रो खेलकुद.
from हाम्रो खेलकुद https://ift.tt/U9DZdvR
