हुम्लाको खार्पुनाथ गाउँपालिका– १ मा रहेको दुई वटा विद्यालयका २६० विद्यार्थीलाई शैक्षिक सामग्री हस्तान्तरण गरिएको छ।
युवा व्यवसायी एवं राजनीतिकर्मी खेम खड्काले भानुभक्त आधारभूत विद्यालय गोप्काका २ सय र मोतिराम आधारभूत विद्यालय देउखुरीका ६० विद्यार्थीलाई शैक्षिक सामग्री हस्तान्तरण गरेका हुन्।व्यक्तिगत खर्चमा २६० विद्यार्थीलाई कापी, कलम, पेन्सिललगायतका शैक्षिक सामग्रीसहित विद्यालयलाई खेलकुद सामग्री हस्तान्तरण गरेको खड्काले बताए।
खड्काको सहयोगले २ सय जना विद्यार्थीलाई राहत मिलेको भानुभक्त आधारभूत विद्यालयका प्रधानाध्यापक पूर्ण बुढाले बताए।जिल्ला बाहिर रहेर व्यवसाय गरे पनि गाउँघरप्रति माया देखाएको भन्दै खार्पुनाथ गाउँपालिका– १ का वडाध्यक्ष जयबहादुर शाहीले खड्काको प्रशंसा गरे।
