विगत केही दिनदखि सक्रिय रहेको खानुन आँधी जापानको दक्षिण पश्चिम शहर ओकिनावाको मुख्य टापु र कागोशिमा प्रान्तको आमामी क्षेत्रमा पुनः बढ्ने भएकाले शतर्क रहन आव्हान गरिएको छ ।
मौसम विज्ञानन एजेन्सीका अनुसाार शनिबार दिउँसोदेखि विस्तारै अघि बढिरहेको आँधुको प्रभाव लामो समयसम्म रहने छ । आँधी कोगोशिमाको तोकुनोशिमा टापुको पश्चिमबाट प्रतिघण्टा १०० किलोमिटर टाढाबाट समुद्रमाथिबाट पूर्वतिर बढिरहेको छ ।
शनिबार आँधीको केन्द्रनजिक १०८ किलोमिटर प्रतिघढटाको गतिमा हावा चल्नका साथै कुनै बेला १६२ किमि को गतिमा पुगेको थियो ।
आँधी कायमै रहेकाले हावा, समुद्रको ठूलो छाल र तुफानका कारण पानीको सतह बढ्ने भएकाले सचेत रहन सूचना जारी गरिएको । ओकिनावा र आमामीमा आइतबारसम्म तथा दक्षिण क्यूशूमा आइतबार विहानबाट भारी वर्षाको सम्भावना रहेको औंल्याइएको छ ।
