बर्दिबासको बलगाछिस्थित ढुंग्रे खोलामा आएको बाढीले पुल छेउ कटान गरेर अवरुद्ध भएको पूर्व–पश्चिम राजमार्ग एकतर्फी सुचारु भएको छ ।
करिब आधा घण्टा अवरुद्ध भएको राजमार्ग मर्मतका लागि सुरक्षा निकाय र नगरपालिकाको टोली पुगेकाे थियो । कटान भएको ठाउँलाई मर्मत गरी सडक एकतर्फी सुचारु गरिएको इलाका प्रहरी कार्यालय बर्दिबासले जनाएको छ ।
नदीमा थप पानी आए पुनः राजमार्ग कटान हुन सक्ने जोखिम यथावत रहेको प्रहरीले जनाएको छ ।
