कोशी प्रदेशको मुख्यमन्त्रीमा दाबी पेस गरेका कांग्रेस नेता केदार कार्कीसहित बहुमत सांसद प्रदेश प्रमुख कार्यालयमा पुगेका छन् । कोशीका मुख्यमन्त्री दाबेदार कार्कीसहित उहाँलाई समर्थन गर्ने कांग्रेसका आठ जना र एमालेका गरी ४७ जना सांसद प्रदेश प्रमुख परशुराम खापुङको कार्यालयमा पुगेका हुन् ।
कार्कीले एमालेको समर्थनमा हिजो बिहीवार मुख्यमन्त्रीमा दाबी पेस गर्नुभएको हो । प्रदेश प्रमुख खापुङले दाबी पेसका लागि आज शुक्रवार बेलुका ५ बजेसम्मका लागि दिनुभएको समय सकिएको छ । प्रदेश प्रमुख खापुङले दाबी पेस गर्ने समय सकिएपछि निर्णय लिने बताउँदै आउनुभएकाे छ ।
कांग्रेस, माओवादी केन्द्रसहित सत्ता गठबन्धनबाट भने माओवादीका सांसद इन्द्र आङ्बोले मुख्यमन्त्रीमा दाबी पेस गर्नुभएको छ ।
